Jæja jólin og nýja árið gengið í garð..vúhúúú

Já Sveitastelpan mætt aftur...jólahaveríið runnið sinn garð og jújú það vantaði ekki pakkaflóðið..auðvitað fengu börnin heilann helling af gjöfum það flæddi undan trénu hjá okkur  og ég er allavega vel sett fatalega séð á börnin í ár haha...eftir pakkaríið var nú skellt sér yfir til múttu í kaffi og tókum við Árni og Óli bró hættuspilið um kvöldið..endaði kellan sem svívirðilegur alki og dópisti, missti öll mín stig og fullt af heilasellum bwahahahahaha típíst...

Það er alveg ótrúlegt hvað mar fer í mikið af jólaboðum á þessum tíma og jújú það er farið að segja aðeins til í buxnastrenginn en o well redda því á þessu ári hahaha....en um áramótin ákváðum við að vera heima hjá tengdó í mat og sprengjulátum og var veðrið alveg hreint ömurlegt...endalaust rok úff..um kvöldið skelltum við okkur til Heiðdísar og Bigga í nett teiknispil og endaði það í miklum hlátrasköllum og bjór flæddi bókstaflega út um nasirnar á honum Árna mínum bwhahahaha snilld...en já ég ákvað það fyrir löngu að eyða ekki krónu í flugelda, sérstaklega þegar að mar er alltaf heima hjá múttu eða tengdó...ég einfaldlega hef ekki áhuga á að horfa á aurana mína fuðra upp í ljósasjói...nei takk...en það er fínt að aðrir gera það og mar fylgist bara með

Svo er nú komið árið 2008 uss..hvað þetta líður hratt...ég sit nú bara hér í vinnunni að uppfæra netsíðuna mína og verðmerkja allar vörur fyrir útsölu það getur nú verið dáldið líjandi að horfa á tölur í marga klukkutíma þannig að ég nýt þess að skella mér hér útfyrir og anda að mér súrefni en þangað til næst...bara gleðilegt ár og vonandi verður þetta ár betra en í fyrra hehehehehe

Sveitastelpan kemur sterk inn í 2008

Bráðum koma blessuð jólin börnin fara að hlakka til.....

Já það eru að koma jól einungis 2 dagar..úff hvað tíminn líður hratt. Ég er nú svo sem búin að öllu það eina sem ég á eftir er að skúra yfir gólfin og það geri ég bara á aðfangadag þegar allt ryk eftir neglurnar hefur sest jú og ganga frá þvotti, er að sefna á að klára allann þvott fyrir jólin hehehe "good luck me" en það er mission Já þið segið það, ég er hérna í vinnunni og finn ekkert meira til að röfla um hehe þannig að ég óska ykkur gleðilegra jóla og farsældar á nýju ári...

Sveitastelpan komin í jólaskap

Verð að koma pirrinu úr mér!

Jæja ég bara verð að koma þessu frá mér...

ég hef nú verið að skoða ansi margar síður hingað og þangað og jújú misjöf vitleysan í gangi..en sorry hvað er málið með fólk sem hangir inná annara manna síðum og nöldrar og tuðar yfir því hvað hver er að skrifa? mikið svakalega má fólk eiga tilbreytingarlaust líf...en okey alltí lagi að láta vita ef fólk er að níða mannorð annara og svoleiðis, það er auðvitað fyrir neðan allar hellur, en fólk sem er nú bara að leika sér og bulla HVAÐA MÁLI SKIPTIR ÞAÐ ÞIG! Því miður þá er virkilega til fólk sem liggur á netinu lang fram eftir nóttu og er drullandi yfir mann og annann "sorry er það sem sagt í lagi"? og já svo er það nú líka annað með þessa blessuðu einstaklinga að þeir koma aldrei undir eigin nafni..þannig að mín orð til þeirra sem haga sér svona..

Ef þú þarft endilega að æla einhverjum viðbjóð útúr þér "án þess að hafa verið beðinn um comment" komdu þá undir nafni og stattu fyrir þínu í stað þess að vera rífandi stólpa kjaft á bak við eitthvað nickname!

úfff...fjúfff...Þetta var nú betra hehe ég bara varð, annars er nú sveitastelpan í góðum gír í Grindó meira að segja farin að hlakka pínu til jólanna ég er búin að pakka inn öllum gjöfum og koma þeim sem þurftu út á land frá mér þannig að vóó...ég ógó dugleg...eeen heimilið hefur nú aðeins setið á hakanum því er nú ver og miður..en svona er það þegar að maður vinnur frá átta til miðnættis hehehe er mar bilaður eða...ég held að ég muni sofna í súpunni hennar múttu á að fangadag bwahahaha "smekklegt"

Hvernig eru nú jólin hjá ykkur er einhver hefð sem þið hafið?

Hjá mér þá förum við alltaf heim til mömmu og borðum aspassúpu í forrétt svo fáum við svínið og það er borðað eins og það sé síðasta máltíðin hehehe svo má nú ekki gleyma Mögguömmu hrísalamann, kapphlaupið um konfektið en það er nú ekki fyrr en að búið er að opna alla pakka

Já þið segið það endalaus gleði...

Sveitastelpan komin með nóg af skruggum en í jólaskapi 

Klobbavax from HELL!!

jæja smá skot..

jæja stelpur hafiði farið í brazillian vax? Tja ég hef nú gert það og er mjög ánægð með mína vaxdömu en vinkona mín var að fara í fyrsta skiptið og það var alger horror, vaxdaman virtist ekkert vita hvað hún var að gera og sagði við vinkonu mína að hún væri ekki með súkkulaði vaxið heldur eitthvað annað og að hún væri sko ekki ánægð með það!! HALLÓ segir maður svona við viðskiptavininn..uuu NO, aumingja vinkona mín endaði með vax í hári og fötum ( how is that possible) og með skallabletti en með hárum!!! OMG...hún er geðveikt aum, klístruð og hálf miður sín, svo ákvað gellan að klippa einhver löng hár og missti skærin í klobbann!! Já sæll eigum við að ræða það eitthvað!! Greyið að bera klobbann sinn í fyrsta skipti í vaxi og það er nú ansi mikið feimnismál...og þetta er meðferðin! dísús...Hvað finnst ykkur hafiði lent í svona herlegheitum? ég bara spyr

Sveitastelpan með vax í haus

Ekki skánar veðrið!

Jæja enn er alveg kreisí veður í gangi...almannavarnir létu loka skólanum og leikskólunum hér, út af veðrinu sem er í gangi...Kjellan er nú bara í vinnunni og fylgist með þessum ósköpum, hef reyndar miklar áhyggjur af bílnum mínum, en hann bambi er nú búinn að fá það óþvegið einu sinni hérna fyrir utan í svona veðri en þá fauk tóm olíutunna á greyið og þurfti að sprauta húddið-hliðarbretti-stuðara, skipta um framljós og já einnig nýja númeraplötu!! þannig að ég er nú að vona að hann fái frið í þessum ósköpum uss...þetta er nú orðið frekar krípí veðurástandið hérna á suðvesturhorninu....

Veðurbæn:

Góði Guð gef mér logn og sól

og tak í burt allt þetta rok

Grindjánar þurfa að komast á ról

við erum komin með uppí kok.

Með fyrir fram þökk

Sveitastelpan með rím og  rok í rassi

Veðurguðirnir fastir á sýru!

Sko halló halló halló...við hér á suðurnesjunum virðumst ekki fá neitt break frá þessum veðurofsa..ég skaust út í búð hérna áðan og jeminn eini, allir voru að versla, greinilega allir að byrgja sig upp fyrir þetta vonsku veður sem er að skella á.  Því miður þá er búið að vera frekar ömurlegt veður síðustu daga, endalaust rok og rigning..já já ég veit það er alltaf rok og rigning hér en þetta er að fara nett yfir línuna! Það skullu einhver leiðindi á í nótt og ruslatunnur og eitthvað meira fór á flakk og svo er þetta að byrja aftur núna og á að vera viðbjóður í fyrramálið og fram undir hádegi! Sko ég er bara vissum það að þessir veðurguðir eru á einhverju trippi, ég veit ekki um neinn stað sem fær allar veðurtegundir á einum degi..sól,rigning,hagl,sól,snjór!!! jú jú þetta gerðist hér fyrir svona 4 árum og það á hálftíma kræst!  Þess vegna er ég nokkuð vissum að veðurguðirnir séu dottnir í efnin...fastir á sýru ég get svo svarið fyrir það. En já nóg um leiðindin hehehe ég er nú bara að pirrast

Sveitastelpan í rokrassgati

Gamalt og gott..

Jennifer Lopez finnst frábært þegar fólk hrósar henni fyrir vel þrýstin afturenda hennar. Hún eyðir víst klukkutímum í ræktinni til að geta viðhaldið þessum frægasta rassi heims. Hún hefur þjálfað undir leiðsögn líkamræktarþjálfara og hafa þau saman fundið hina fullkomnu blöndu af æfingum til að gera rassinn sem fegurstan. ,,Ég geri sérstakar æfingar og teygjur með lóðum til þess að halda rassinum við. Að vissu leyti hef ég gaman af því þegar fólk hrósar mér fyrir að vera með stórann rass,” segir Lopez.  Jahá....stórir rassar í tísku..hmm þá er ég búin að vera í tísku svo árum skiptir, ekki amalegt það.  

Robbie Williams kvikmynd? 

Robbie Williams hefur selt Paramount Pictures kvikmyndarétt á ævisögu sinni. Kvikmyndafyrirtækið hefur skoðað tvö handrit sem Williams skrifaði þegar hann var í meðferð í LA. ,,Það var partur af meðferðinni að skrifa handritin og svo stakk vinur minn upp á því að ég sendi þau til kvikmyndafyrirtækja. Það kom mér mjög á óvart að þeim skyldi líka þau,” segir Robbie sem neitar þó að hann vilji leika sjálfan sig í myndunum. ,,Nei, alls ekki. Ég væri samt mjög til í að sjá einhverju af því sem ég hef gert varpað upp á hvíta tjaldið.” Einn mesti hrokagikkur að koma með mynd um sjálfan sig vei..... 

Nýtt ilmvatn frá Manson

Rokkarinn Marilyn Manson ætlar að senda frá sér nýtt ilmvatn á næsta ári. Manson mun þar feta í fótspor stjarna á borð við Britney Spears, J-Lo, Beyoncé Knowles og Paris Hilton, sem allar hafa komið fram með sitt eigið ilmvatn. ,,Ég er að leggja lokahönd á ilminn í samvinnu við eitt af stóru fyrirtækjunum í bransanum," sagði Manson. Hefur hann einnig hug á að gefa út fleiri snyrtivörur á næsta ári. Það er nú aldeilis..það verður spennandi að smella nýja ilminn frá Manson ætli það verði nú ekki "lykt dauðans" og já ég held að Mansoninn sé að fara breytast í Barbie doll 

 Dolly Parton....

Kántrístjarnan Dolly Parton tapaði einu sinni í keppni í að líkjast Dolly Parton Söngkonan mætti óboðin í keppni í Los Angeles og það kom henni frekar á óvart þegar hún tapaði keppninni. ,,Ég veit ekki hvort þeir vissu að þetta var ég eða hvort þetta var grín hjá þeim. En ég tók þátt, fór í röðina og tapaði. Ég held alveg örugglega að enginn hafi vitað að þetta var ég," sagði söngkonan brjóstgóða. Hahaha.....þetta er auðvitað snilld, fara í look a like keppni af sjálfum sér og tapa  sorry Dolly mín en þú ert frekar twisted útgáfa af sjálfri þér..

Nýtt sement úr hundaskít...

Þýskur arkitekt frá Berlín hefur sótt um leyfi til að framleiða nýja tegund af sementi sem hann ætlar að búa til úr hundaskít Í umsókninni biður hann um einkaleyfi á þessu ,,lyktarlausa einangrunar og byggingarefni" sem búið yrði til úr öllum þeim hundaskít sem hreinsaður er upp af strætum Þýskalands á hverjum degi. "Þeir héldu að mér væri ekki alvara í fyrstu, en þetta er fjárhagslega hagkvæmt þar sem hundaskítnum er safnað saman hvort eð er, og því ekki að nýta hann í eitthvað nytsamlegt," segir arkitektinn alvarlegur. Guð minn góður......hús úr skít....jommí mig langar í eitt slíkt Nei ég held að ég gefi nú skít í þetta allt saman hahahahahaha

  Sveitastelpan

bara að prufa

jæja verður mar ekki að prufa einhverja visku hér? ég reyndar er að herma eftir gáfuðum vinkonum mínum Höllu og Gellaranum, mér fannst þetta svo sniðugt hjá þeim að ég ákvað að vera með í bullinu. En já ég sit nú bara hér á mínum rassi beint fyrir framan tölvuna að röfla á lyklaborðinu, augun orðin ferkönntuð þar sem að ég er búin að sitja hér í allann dag..eða þegar að ég er ekki að afgreiða. Ótrúlegur þessi nöddaheimur, maður dettur inná eitthvað og festist hahaha eins og mar hafi ekkert líf eða þvott hahaha..en nei nei það er nú bara gaman að hafa sér eitthvað til dundurs. En hvað segið þið eruði búin að ganga frá öllu fyrir jólin? Heimilið orðið það hreint að þú getur borðað af gólfinu? Gluggarnir svo hreinir að fuglarnir fljúga á þá? allir skápar það hreinir að rykmaurarnir fóru í verkfall?? Bara spyr því ég næ ekki að gera það sem ég ætti að vera búin að gera, ég myndi ekki borða af gólfinu, gluggarnir eru ekki hreinir og skáparnir eru svona la la..ohh hvað ég þyrfti að komast í tiltektar stuðið seint á kvöldin þ.e. þegar að ég er búin að vinna. Já það hlýtur nú að koma en allavega nóg af bulli núna:)

Sveitastelpan